EXCLISIVE INTERVIEW: Qriaz Alonto Kutoka Iringa, Kazungumzia Kuhusu Muziki Wa Ukanda Huu Kushuka Thamani

Msanii kutoka mkoani Iringa Qriaz Alonto amepiga story na Mkata kiu Tanzania pamoja na Mkata Kiu Tv na kufunguka mengi juu ya muziki wa kizazi kipya nyanda za juu kusini.

Msanii huyu ambaye jina lake la kuzaliwa ni Zacharia Nzali amesema kuwa wasanii wengi wa nyanda za juu kusini wamekuwa hawapati mafanikio wanayoyahitaji kutokana na kutokuwa na umoja na mshikamano, ambao hupelekea kila mtu kuona anaweza katika kazi yake ya sanaa.

Qriaz anasema hali hiyo imepelekea hata watangazaji kutokuwaelewa wasanii kutokana na maisha yao kuwa tofauti na yale ya zamani kama enzi za Planet 2000, Ibrah, Baraka Bux, Marlaw, Squeezer na wengine wengi.

Aidha Qriaz amewaomba mashabiki wampokee katika gemu ya muziki wa kizazi kipya ambapo tayari ameachia wimbo wake mpya unaokwenda kwa jina la Neno Langu ambapo audio imefanyika katika studio za Play Records na Video imefanywa na director Shama Kilasi.