UEFA EUROPA LEAGUE: Man United kurudiana na St.Etienne Jumatano Ufaransa

Manchester United Jumatano Usiku watatinga huko Stade Geoffroy Guichard Uwanja wa Jijini Saint Etienne Nchini France unaopakia Washabiki 42,000 kurudiana na Saint-Etienne katika Mechi ya Pili ya Raundi ya Mtoano ya Timu 32 ya UEFA EUROPA LIGI.

Alhamisi iliyopita huko Old Trafford Man United waliichabanga St-Etienne 3-0 kwa Hetitriki ya Zlatan Ibrahimovic huku mvuto mkubwa ukiwa kupambanishwa kwa Mtu na Kaka yake Paul Pogba wa Man United na Kaka Mkubwa Florentin Pogba Beki wa St-Etienne ambae hata hivyo hakudumu Dakika 90 baada ya kuumia Dakika ya 79 na kubadilishwa huku Mdogo Mtu akikosa Bao kadhaa na kupiga Posti pia.

Huku akiweka Macho Kodo Mechi yao inayofuatia ya Jumapili ijayo huko Wembley Jijini London ikiwa ni Fainali ya EFL CUP dhidi ya Southampton, Meneja wa Man United Jose Mourinho anaweza akabadili Kikosi kama alivyofanya Jumapili walipoipiga Blackburn Rovers 2-1 na kutinga Robo Fainali ya FA CUP alipobadili Wachezaji 7 toka Kikosi kilichoifunga St-Etienne.

Kwenye Mechi hii na St-Etienne, Sare kwa Man United au hata kipigo ambacho hakitabadili tofauti ya Bao 3-0 kitawafanya wafuzu.

Fununu za nani watakuwemo kwenye Kikosi cha Man United kitakacho kwenda France zitapatikana Jumanne Jioni.

Mbali ya Mechi hiyo ya St-Etienne na Man United hapo Jumatano, Siku hiyo pia zipo Mechi nyingine 2 za Marudiano Raundi ya Mtoano ya Timu 32 ya UEFA EUROPA LIGI.

na zilizobakia kuchezwa Alhamisi.

Washindi wa Mechi hizi watatinga Raundi ya Mtoano ya Timu 16 na watajua Wapinzani wao baada ya kufanyika Droo yake hapo Ijumaa February 24 huko Nyon, Uswisi.

UEFA EUROPA LIGI – Raundi ya Mtoano ya Timu 3

Ratiba

Mechi za Pili

**Saa za Bongo

**Kwenye Mabano Matokeo Mechi ya Kwanza

Jumatano Februari 22

2000 FC Schalke 04 v PAOK Salonika (3-0)

2000 Fenerbahçe v FK Krasnodar (0-1)

2000 Saint-Étienne v Manchester United (0-3)

Alhamisi Februari 23

1900 Osmanlispor v Olympiakos (0-0)

2100 Ajax v Legia Warsaw (0-0)

2100 Apoel Nicosia v Athletic Bilbao (2-3)

2100 Besiktas v Hapoel Be'er Sheva (3-1)

2100 Roma v Villarreal (4-0)

2100 Zenit St Petersburg v RSC Anderlecht (0-2)

2305 FC Copenhagen v Ludogorets Razgrad (2-1)

2305 Fiorentina v Borussia Mönchengladbach (1-0)

2305 KRC Genk v Astra Giurgiu (2-2)

2305 Lyon v AZ Alkmaar (4-1)

2305 Shaktar Donetsk v Celta Vigo (1-0)

2305 Sparta Prague v FC Rostov (0-4)

2305 Tottenham Hotspur v KAA Gent (0-1)

UEFA EUROPA LIGI

Tarehe Muhimu:-

16/02/17: Raundi ya Mtoano ya Timu 32, Mechi za Kwanza

23/02/17: Raundi ya Mtoano ya Timu 32, Marudiano

09/03/17: Raundi ya Mtoano ya Timu 16, Mechi za Kwanza

16/03/17: Raundi ya Mtoano ya Timu 16, Marudiano

13/04/17: Robo Fainali, Mechi za Kwanza.