Phiri:Mbeya city imeamka sasa

 

 

Kocha Mkuu wa Mbeya City, Kinnah Phiri ameendelea kusisitiza kuwa kikosi chake sasa kina nafasi ya kuamka na kufanya vema.

Baada ya sare ya mabao 2-2 dhidi ya Simba huku Mbeya City ikionyesha soka safi, Phiri raia wa Malawi amesema anaamini kikosi chake kitafanya vema.

“Sasa ninaamini wataweza kucheza kwa kiwango hicho na baada ya hapo kuendelea kukipandisha,” alisema.

Kabla, Mbeya City ilikuwa inasuasua kwa kiasi kikubwa licha ya juhudi ya usajili mzuri.