Mazishi Ya Sozigwa Ni Jumanne

Aliyekuwa Mwandishi wa habari wa Baba wa Taifa,  Mwalimu Julius Nyerere,  Paul Sozigwa anatarajiwa kuzikwa Jumanne ya wiki ijayo Kisarawe mkoani Pwani.

Sozigwa alifariki jana katika Taasisi ya Moyo ya Jakaya Kikwete,(JKCI) alikokuwa akitibiwa.

Kwa mujibu wa taarifa iliyotolewa na msemaji wa familia ya marehemu Sozigwa,  Mokile Ismail alisema kuwa misa pamoja na kuuaga mwili vitaanza Jumatatu saa sita mchana nyumbani kwa mwanae Mtoni Mtongani.

Amesema misa nyingine itafanyika Kisarawe siku ya Jumanne ambayo pia ndiyo siku atakayopumzishwa kwenye nyumba ya milele.

“Tutauaga mwili hapa  siku nzima ya Jumatatu  na mwili utalala hapa nyumbani kwangu, kabla ya kusafirisha kwa ajili ya mazishi yatakayofanyika Kisarawe ambako pia kutakuwa na misa, ”amesema Mchungaji Moses Sozigwa ambaye ni mtoto wa marehemu Sozigwa